Steinvik Fiskefarm Visningssenter
Steinvik Fiskefarm Visningssenter ligg i vakre Høydalsfjord nær byane Florø og Førde. Senteret er ein del av Steinvik Fiskefarm, som har vore pionèrar på oppdrett sidan 1980-talet. Visningssenteret er eitt av dei fyrste i Norge.

Dette er eit praktisk visningsanlegg for moderne produksjon av laks og formidling av havbrukshistorie for publikum.

Visningssenteret tilbyr skreddarsydde opplegg med guide, etter alder eller type gruppe. Familien Vassbotten, som sjølve er guidar, har lang erfaring innan oppdrett, og kan fortelja om utviklinga som har skjedd i havbruksnæringa fram til dagens moderne produksjon.

På senteret kan du sjå ei innhaldsrik utstilling innandørs, og i tillegg vandra rundt på mærkanten og sjå laksen med eigne auge.

Steinvik Fiskefarm Visningssenter er ope for skuleklassar, turistar og andre som har interesse av å læra meir om norsk sjømatproduksjon.

Gratis inngang for alle besøkande.