Steinvik består av selskapa Steinvik Fiskefarm, Steinvik Fiskefarm Visningssenter, Steinvik Rensefisk og Barlindbotn Settefisk som til saman har over 60 tilsette. I Steinvik produserer vi laks og aure fordelt på 9 sjølokalitetar i Kinn og Askvoll kommune, samt settefisk, storsmolt og rensefisk på land i Kinn og Bremanger kommune. Steinvik driv også med formidling av havbrukshistorie på visningssenteret, som ein finn på Steinvika der det heile starta.
Det starta i det små med pionerarbeid, pågangsmot og tru på at oppdrett av laks skulle lukkast. Etter oppstarten har det blitt lagt stein på stein for å utvikle verksemda frå å være ei attåtnæring til noko å kunne leve av. Med både nedturar og oppturar lukkast ein sakte men sikkert. Laksen blei stadig ei etterspurd vare i heile verda ,og norsk lakseoppdrett har blitt ein suksess, også på Steinvika. Sidan oppstarten har det vore fleire milepælar med blant anna etablering av fleire lokalitetar, visningssenter, settefisk, storsmolt og rensefiskanlegg. Steinvik er i dag ei hjørnesteinsbedrift i lokalsamfunnet med fokus på å utvikle og ruste verksemda for framtida.