Steinvik Rensefisk ligg i Breivika i Svelgen i Bremanger kommune, og blei stifta i 2013. Anlegget ligg like ved Steinvik settefisk sitt postsmoltanlegg. Steinvik-gruppa overtok og rusta opp bygningsmassen i Breivika etter at det tidlegare var produksjon av flatfisk og torskeyngel i bygget. Dei fyrste åra etter etableringa av selskapet blei det produsert rognkjeks. Frå 2022 investerte selskapet ytterlegare i anlegget og bygde nye avdelingar for å kunne produsere berggylte. Berggylta erstatta rognkjeksproduksjonen i 2023. Føremålet med produksjon av rensefisk, er å sette ut fisken saman med laksen på visse tider av året, då rensefisken et lakselus og bidreg til å halde låge lusenivå på sjølokalitetane. På ein slik måte minskar ein behov for handtering i samband med lakselusbehandling.
